Parlam d'ecologia !

N'es pas sonque un problèma gascon, qu'es un problèma mondiau

Tot lo monde que deven avéder consciéncia de preservar lo nòst planèta.

Qu'i a de qué díser, mès qu'i a sustot de qué har !

Potingas dab les plantas

Soins par les plantes

Casau deus simples (26.35 Ko)

Un tablèu dab les plantas e les soas ajudas entad avéder uu' bona santat.

Halta aus plastics sus les plajas !

 Mamisan que s'es equipat de caishas a mareja

       Au començament de 2022, l'Ofici Nacionau deus Ahorèsts qu'a fabricat e installat 4 caishas a mareja a Mamisan per arcúlher les dèishas d'origina umana tancadas sus les soas plajas e tot particularament los plastics. Quate sites que son estats retenuts : Remember, l'aplanada Robèrt Barsac, lo parcatge deu mijorn e le plaja de L'Especièr. Lo principi qu'es hòrt simple, uu' cussa de  personas profitant d'uu' passejada o de le practica d'uu' activitat esportiva, qu'amassan dèishas sus les plajas de Mamisan que son arron sovent dishats au pè de les dunas au risc d'estar portats per le mareja seguenta o lo vènt. Qu'es aquí qu'intervinen les caishas a mareja, on cadun e pòt dishar aquestes indesirables.                                                                                                                                                                                                             

L'estructura qu'es en pin Doglàs e le basa en acacià, çò que permet de's guardar de tot tractament quimic. Que dispausan d'uu' signaletica informativa e de recomendacions d'instruccions. Dens lo parçan  de Mamisan, que son les equipas deus Camins d'Insercion deus Grans Estanhs (CIGL) dont vendràn collectar e deburar les deishas arculhudas. Arron qu'arrejunharàn le rondalèra deu reciclatge on mèi de 90%  e seràn valorizats. En Charenta maritima on aquera iniciativa existi desempús 3 ans, qu'es estat collectat mèi de 1000 mètres cube de deishas per un pès de 65 tonas despartits de le faiçon seguenta :

 4% de métal, 8% de veire, 12% de bòi e 76% de plastics !

A soscar...!

Netejatge de plaja benevòle

       5 vetz deus bons a adoptar

            Atencion aus liquides  

            Cèrtas dèishas que pòden estar cascantadas per idrocarbures o produits quimics. Qu'i a tanben les botelhas, los flacons e auts bidons dont pòden conténer liquides dangerós. Ne pas los vuitar shètz precaucions e tan que possible prenetz guants de bona qualitat.

            Objèctes dangerós : prudéncia !

       Pensatz a méter en securitat los objèctes dangerós com les seringas e los objèctes picants ne los hicants dens un contenedor rigide com un flacon o uu' botelha que barraràn suenhosament. L'ideau qu'es de miar les seringas n'un punt CYCLAMED. Se descobritz explosius o municions sustot ne pas los tocar e aperatz lo 17 talèu que possible.

            Le dèisha de  mar

            Le plaja qu'es un  lòc de vita per numerós auchèths e hòrt d'animaus que s'i neurissen e medís a còps qu'i hèn lo nid. Qu'es bien segur essenciau d'arrespectar le fauna e les flors de les plajas. Le dèisha de mar ne diu pas estar trepejada, ni amassada ni medís desplaçada.

            Animaus en dificultat

            Qu'es reale mès se crotzatz un daufin, uu' balena o un fòc, que singui en dificultat o mòrt, estancatz-ve a distància e sonatz lo centre nacionau PELAGIS au (05 46 44 99 10), medís lo dimenche. S'es un auchèth en dificultat o blassat, sonatz le Liga de Proteccion deus auchèths (LPO) au (05 46 82 12 34).

            Que participi a l'observacion

            Uu' carta de França participativa qu'es estat mesa en plaça per compréner mélher le natura e l'origina de les dèishas sus les nòstas plajas.

            Gràcia a uu' aplicacion o sus lo site oceanplastictracker.com, ajudatz a les cèrcas en hasents pujar les informacions deu terrenh e méter le carta a jorn.