Revelar lo potenciau deus lòcs
Entà realizar lo plan deu vòste jardin ideau, qu'es savi d'examinar e de notar au briu de les sasons quauques punts importènts.
S'equipar d'un quasernet entà inscríver les vòstas observacions e dessenhar croquís dont serviràn de basas entau plan definitiu.
Un decamètre que'vs permeterà d'efectuar les vòstas mesuras.
Espigar informacions auprès deus vòstes vesins que's pòt averar egaument hòrt utile.
Nau punts importènts a estudiar :
L'orientacion
Que puiratz aisidament localizar les quate direccions cardinaus dab l'ajuda d'uu' bossòla.
Senon, examinatz les mossas : que's desvolòpan mèi abondosament sus le fàcia nòrd de les camas deus aubres.
L'aerologia
Lo vent qu'es generaument un enemic de les plantas, pr'amon que n'aumenta l'evapotranspiracion e que provòca atau uu' demanda mèi importènta en aiga.
Que convèn donc de notar los vents presents, les soas orientacions atau com los sons correders de circulacion.
L'ensorelhament
Los emplaçaments ensorelhats e los qui son a l'ombra que deuràn
estar notats dab precision, entà auherir a les vòstas plantas les situacions qui'us convènen mélher.
Pluviometria e temperatura
Les mesuras de pluviometria e de temperatura segon los periòdes de l'annada que permeteràn de planificar les culturas de
faiçon optimau, entà limitar l'apòrt en aiga provenenta de ressorsas artificiaus. Un termomètre mini/maxi e un
pluviomètre que ves facilitaràn le tasca .
Les pollucions divèrsas
Notatz les zònas de pollucion taus los parcatges e les rotas entà evitar de cultivar les plantas aromaticas e medicinaus a proximitat.
Prenetz en compte egaument les pollucions tindairas e olfactivas — rotas, proprietats vesias, animaus — entà determinar les
zònas mèi apropriadas aus lòcs d'intimitat (entà meditar o har un cluc). En mèi, aquestes que seràn plaçats a l'acès deus
espiars indiscrèts .
Les ondas electromagneticas que genèran uu' pollucion dont a uu' influéncia sus le phyllotaxie, qu'es a díser le faiçon dont les
plantas e s'organizan dens l'espaci.
Los bastiments
Indicatz suu plan los bastiments atau com les influéncias environamentaus qui suscitan (ombras portadas, proteccion
deus vents, acumulacion de calorias, efèit aureta-vista, etc.). Lo desmantelament de construccions entau uu' anciana rampa de
lançament de missiles que's deurà har davant l'amainatjament deu casau.
Le vegetacion presenta suu lòc
Le causida de conservar o de suprimir un aubre que's harà en foncion de le soa interaccion dab los divèrs amainatjaments
prevists ulteriorament.
Daubuns aubres que hornissen l'ombra e le frescor a còps necessàrias, totun aquestas ne deuràn pas portar suus
espacis necessitant un hòrt taus d'ensorelhament, entaus l'òrt e le sèrra. Au ras deus rosinós, los auts vegetaus que's desvolòpan dificilament .
Analizar le natura deu sòu
Que poiratz observar lo vòste sòu en cavant uu' trencada de 50 cm de largor e de 1,5 m de pregondor.
Prenetz un chic de tèrra dens le vòsta man entà ne har un tarròc. Si le tèrra s'aglomèra aisidament, qu'es
que contèn segurament limons. Si pega a le man e que lo tarròc ne se copa pas en tombant au sòu, qu'es qu'es rica en argela. Si arribatz pas
a har un tarròc pr'amon que le tèrra es tròp esbrisadissa, qu'es qu'i a uu' majoritat de sable.
Le preséncia de calhaus dens le tèrra que pòt estar benefica sus les zònas plantadas, pr'amon que permeten de conservar
l'aiga dens lo sòu en copant les arrepujadas capillaras.
Per contra , daubuns legumes-rasics, entaus les carròtas, n'aprècian pas guaire le soa preséncia .
Un sòu meilèu escur qu'es signe de riquessa en umus .
Si es clar, qu'es que'n contèn chic : que'u carrà donc un apòrt de compost entà l'equilibrar.
Le tèrra que diu sentir un bon perhum d'umus. Si desgatja uu' aulor pudenta, qu'es qu'es
segurament asfixianta. Que pòt estar restaurada singui per uu' cultura d'engrèish verd, singui per un apòrt
de sable, singui per un drenatge permetent d'evacuar los excès d'aiga.
Analizar dab plantas bio-indicatoras
Le preséncia de daubuas plantas que balha indicacions sus le natura deu sòu. L'ortiga que muisha que lo sòu es ric
n'azòte. Lo rumex e lo plantan que senhalan qu'es prestit e segurament argelós. Le prèle que desvela un sòu
umide. Les huuç qu'indican le preséncia d'umus en susfàcia e un sòu meilèu acide. Les sanguèirs qu'assabentan
sus le preséncia de calcari .