Imne landés
Arrepic
Que son aquí los òmis de la lana,
Los de Shalòssa e los deu Maransin,
Los deu país on la tèrra es tan grana,
Qu'es com lo cèu :
Ne se'n veid pas la fin !
Tèrra d'estanhs on lo só s'esmiralha,
Tèrra de camps, de vinha e d'arrelhòts,
Tèrra de pins on lo gemèr trabalha
E hèi pishar la gema en los cuchòts.
1
De Gavarret dinc a la còsta,
De Pèirahorada au Bordalés,
Qu'èm en familha, qu'èm a nòste,
Qu'èm entr' amics,
qu'èm tots landés.
Aquera tèrra grassa o seca
Que ns'a balhat lo medish anar,
Que sufeish de'ns véder la teca,
Amics, entà cantar, entà cantar.
2
N'i a pas enlòc bèra campanha
Mei qu'a Mugron, Monthòrt, Amor,
N'i a pas nat cèu, mèsme en Espanha,
Mei clar, e mei ric de colors.
Escotatz, cara a l'Atlantic
Shiular lo vent, bronir la mar,
Ne cèrquitz pas mélher musica
Amics, entà cantar, entà cantar.
3
En cada endret qu'i a bèras dròllas
Qui hèn lo plaser deus gojats,
E dens la hèsta en espartilhas
Son las premèras aus esbats.
Que son vadudas amorosas
E hèitas per las embraçar.
Qu'an las camas tant aguinhosas
Entà dançar, entà dançar.
4
Se n'atz pas paur, poiratz descéner
Dens l'arena dab Palomà,
E que veiratz se's cau deféner
Entà ne pas se har hular.
Mes lo Filhan que hè d'aviada
Tres bèths escarts per l'evitar
E lo Davrat que pren l'aviada
Per la sautar, per la sautar.
5
Dens los pins, hòra de vista,
Se voletz seguir lo gemèr,
Que'vs carrà córrer viste, viste,
A travèrs bruc d'un pè leugèr.
Com l'esquiròu cinglant e lèste,
Arren n'arriba a l'eslenar.
Quan a fenit e pren la vèsta,
Qu'es per cantar, qu'es per cantar.
6
Au Bocau-Vielh qu'es l'amassada :
Minjàm alauda e cotorliu,
Hitge, jambon, bona caroada.
Puishque ns’ac balha lo Bon Diu !
E com la taula rend aimable
E hè tanben arrevisclar,
Shiulàm, shiulàm lo vin de sable,
Entà cantar, entà cantar.
7
Au Maransin, bèra contrada
Que lo primtemps hè es·hlorir,
Puishque pr'ací que m'an hèit vàder,
Quauqu'arrés vien un jorn morir.
Que siam plan, mau, devath la tèrra,
Dessús qu'èm miélher, e n'èi que har
Que de poder longtemps enqüèra
Víver e cantar, víver e cantar.
Los chancaires (923.41 Ko)