crushada

  • Un escauton landés

    Par Le 08/10/2020

     

    Estofada de pòrc

     

    L'escaudon landés qu'es ua estofada, hèita a basa de pòrc negue de Gasconha, dont los tròç còien dens ua saussa au vin amorós e aus legumes.

    Lòc d’origina : Gasconha

     

    Ingredients:

    Pèrna de pòrc,

    Vin blanc amorós,

    Cebas, porrets,

    Tecas d'alh, flòc guarnit,

    Madèira,

    Armanhac,

    Grèisha d'auca o de guit,

    Sau e espècia (pèber)

     

    Lo legumatge troncats que son metuts a semar dens un topin sus un hons de grèisha.

    Los tròç de pòrc, d'abòrd daurats, que son en seguida plaçats sus aquera fonduda e cobèrts de vin blanc amorós.

    L'ensemble qu'es salat, peberat, aromatizat d'un flòc guarnit e adobat d'un veire de Madèira e d'un veire d'Armanhac.

    Lo còier qu'es autan lent que long.

    Aqueth còier, l'estofada, qui diu estar au còp hòrt lent e intermitent, qu'èra aplicat dinc au sègle XIXau a d'auts plats en particular a basa de cerealas.

    Ua revista savanta, datada de 1861, que cita : « Espia, mon, aqueth beligan, se deharé bien d'ua bona mòta d'escaudon » çò qui s'arrevira per « Regarde, mon ami, ce brigand, il se déferait bien d'une bonne tranche d'escaudon » e lo narrator de precisar qu'aqueth plat rustic èra ua espessa milhada, crushada, escauton.

    Acompanhament :

    Medís vin blanc amorós qui servís a lo son còier, vin roi, Tursan, Madiran.